बे बोसोर नि
जालांनाय हायार सेकन्दारि आनजाद आव जाय फरायसुलिफोरा 1st div मोनदों बिसोरनो स्कुति होनाय जागोन, लोगोसे बे बोसोर आव फरायसुला फोरनो बो
स्कुति होनाय जागोन, नाथाय फरायसुलाफोरनि थाखाय मोननाय नम्बर खौ ईसे बारा खालामना
होदों, आसामनि सोलोंथाय बिफान नि मन्थ्रि डा रनुज पेगु बिथाङा मैया खौरांगिरिफोरनि
सिगाङाव बुंनाय बादिब्ला हौवासाफोरना 75 जौखोन्दो मोनोब्ला नो स्कुति खौ मोनगोन,
हिनजावसा फोरना 60 जौखोन्दो आरो हौवासाफोरना 75 जौखोन्दो होनना बुंदों बिथाङा,
मखजाथावदि आसामनि गिबि मन्थ्रि आ आगोलाव हौवासाफोरनिखौ 80 जौखोन्दोब्ला सो मोनगोन
होनना बुंदोंमोन, नाथाय मैया आसामनि सोलोंथाय बिफान नि मन्थ्रि आ 75 जौखोन्दोब्ला
नो होगोन होनना गोदानै बुंदों।
फैगो 21 आरो
28 आगष्त आव रायजो आव बन्ध थागोन मबाईल इन्तारनेत आ, रायजो नि गिबि मन्थ्रि आ
रायजो आव जानो गोनां गिदिर साख्रि थिसननायनि आनजाद नि सायाव गोनांथार फोसावना
होदों, फैगो 21 आरो 28 आगष्त आव 4थि आरो 3थि ग्रेद नि आनजाद आ जागोन, मैया रायजो
नि जिलाफोरनि जिला बेंगिरिफोरजों भिदिअ कन्फारेन्स नि गेजेरजों सावरायलायजायो,
सावरायलायनाय आव लानाय थिरांथाफोरा जाबाय आनजाद जानो गोनां 25 जिला याव सान नि 10
बाजि निफ्राय 12 बाजि आऱो बेलासि नि 2 निफ्राय 4 बाजि सिम 2 घन्ता नि थाखाय बन्ध
थागोन ईन्तारनेत आ, आनजाद आ सोलिबाय थानाय समाव गासैखौबो भिदिग्राफि खालामनो
नांगोन, रावबो अफिसार आ आनजाद नि मिरु आव मबाईल लांनो मोननाय नङा, आनजाद नि मिरु नि
ईन्सार्श नि आखाय आव जमा होनो नांगोन अफिसारफोरा, साननै आनजाद जानाय सान आव 144
धारा लागायनाय जागोन, आनजाद होग्राफोरनि थाखाय आनजाद मिरु आव थांनाय नि थाखाय
पाब्लिक त्रान्सपर्त नि बेबस्था खालामनाय जागोन, सोंनाय बिलाय आ जाहाथे लिक जाया,
बेनि बेबस्था खालामनाय जादों होनना फोरमायो, आनजाद खौ 14 लाख सो आ लिरगोन।
रायजो आव फिन
रेगिं नि जाथाय, गोजौ थाखो नि फरायसाफोरनि बुनाय आव गाज्रियै जोखोम जादों सासे 9
थाखो नि फरायसा या, दिब्रुगर जिला नि मरान सोहोर आव जादों जाथाय आ, जवाहर नबोदया
फरायसालि आव, बोसोरफ्रोमबो 100 जौखोन्दो पास जानानै मोजां मोनजानाय फरायसालि आव नो
जादों जाथाय आ, फरायसा खौ फरायसालि नि फरायसा या नो बुनाय जाथाय आ सोराङाव फैदों,
थाखो खथा याव सानै लोगो जों जानाय फिसा नांलायनाय जाथाय नि उनाव नो सा 5
फरायसाफोरा लोगो जानानै थाखो 9 नि अर्नब दास खौ बुयो, बिफां दालाय आरो आखाय जों बो
बुनाय नि अजद, देहा याव जोखोम नि सिन खौ रोखायै नुनो मोनदों, उनाव फरायसा या गावनि
न आव फन खालामनानै खन्था हरनाय आव नो जाथाय आ सोराङाव फैदों, दायो फरायसालि नि
बिबानगिरिफोरा बे सा 5 बुनाय फरायसाफोरखौ थि गैयि सम सिम सासपेन्द खालामबाय होनना
खौरां मोनदों, बिसोर थाखो 12 आव फरायोमोन।
नलबारि जिला
नि बानेकुसि आव थानाय जवाहर नबोदया फरायसालि आव बो मोनसे जाथाय जानायनि खौरां
मोनदों, सासे फरायसुलि आ फोरोंगिरि नि मेलेमारि नारसिननाय एबा गाग्लोबनायखौ सहायनो
हायि आव गावखौनो बुथारना लानो नागिरनाय जाथाय नि खौरां मोनदों, गुबुनफारसे बे
जाथाय आ जानायनि उनाव नो सानै फरायसाफोरा बो बे एखे अजद खौ नो होदों होनना खौरां
मोनदों, गुबुनफारसे बे फरायसालि नि गाहाय आ बे अजद खौ नंखाय होनना बुंदों,
बेफोरबायदि जेबो जायाखै होनना सो बुंङो, दायो अजद होनाय आव आसाम हिउमेन राईथ्स
कमिशन नि मोनसे दोलो आ थांनानै नायबिजिरनायखौ जागायबाय होनना मिथिना मोनदों।
मैया नखरसे नि नो सा 3 बर सुबुंफोरनि
जिउ गोमानायनि खौरां होदोंमोन नोंथांमोननो, बे जाथाय आ जानायनि उनाव नो बितिसि
सोरखार नि ईएम डा निलुत श्वर्गियारि बिथाङा दुखुथिया नखराव थांनानै खौरां लाहैयो
आरो नखर नि सासेल 7 बोसोर बैसो नि गथ, गाग्लोबजानायनिफ्राय बारगनायनि मुङाव 50
रोजा रां नि अनसुंथाय होदों होनना खौरां मोनदों, बितिआर नि गाहाय प्रमद बर नि
बिथोन आव नो बे मदद खौ होदों होनना खौरां मोनदों। उदालगुरि जिला नि माजबात नि आसाम
अरुनाशल सिमना नि निजरा ओनसोल आव जादों जाथाय आ, माजबात पुलिस थाना नि सिंनि
निजरा ओनसोल नि कमलाबारि आव हाग्रा नि मैदेर नि गाग्लोबनाय आव नो जिउ गोमायो सा 3
बर सुबुंफोरनि, सा 3 थैनायनि मुङा नबिन बसुमतारि 53,
यामिनि
बसुमतारि 33 आरो हादानशा बसुमतारि 1 बोसोर 6 दान नि। मिथिना मोननाय बादिब्ला हर आव
उन्दुना थानाय समाव नो मैदेर फोरा गाग्लोबदोंमोन, हाग्रानिफ्राय फैनाय मैदेरफोरा
न बां गासैखौबो सिफायलांजोबो, गुबुनफारसे मैदेरनि गाग्लोबनाय
आव बे नखर नि नो 7 बोसोर बैसो नि निजरा बसुमतारि आ बारगयो,
निजरा
बसुमतारि आ 7 बोसोर बैसो आव नो मावरिया जानांबाय।
बितिसि
नि कक्राझार आयेन फरायसालिमा एबा ल कलेज आ दायो बदलेन्द मुलुगसोलोंसालि नि सिङाव
थांबाय, आगोलाव गौहाति मुलुगसोलोंसालि नि सिङाव मोन, हायार ईदुकेशन दिपार्तमेन्त
आव आसामनि नि गवर्नर नि बिथोन आव नो बेखौ खालामनाय जादों, फोसावलायखौ दिहुननाय
सानखालि निफ्राय नो बेखौ खालामनाय जादों होनना खौरां मोनदों।
घुस लानायनि
गसर आव दायनिगिरि खालामजानाय हान्थामेला बिफान नि मावथि देबेश्वर तालुकदार खौ 4
बोसोर नि जेल नि साजा होनाय जाबाय। मंगलबारखालि बिजिरसालि आ खानापारा याव थानाय
मावखुलि आव साख्रि मावनाय बिफान नि सुबुं खौ जेल नि साजा जों लोगोसे 10 रोजा रां
नि जरिमाना बो होयो, रां खौ होनो हायाब्ला उफ्रा यै 2 दान जेल जाबावनांगोन होनना
बो बुङो, मखजाथावदि 2015 मायथाइ नि 7 दिसेम्बर आव नो हमजादोंमोन बियो घुस लानायनि
दाय आव, 38 रोजा रां दाबि खालामदोंमो बियो, बै समाव 8 रोजा रां खौ लाग्रोनाय समाव
नो जाख्लनाय होबथाग्रा बिफान आ हमो, बेनि उनाव 2018 आव बिनि बेरेखा बिजिरसालि आव
पुलिसफोरा लिरनाय अजद जों बिजिरसालि आव थाङो, बेनिनो राय खौ बिजिरासालि आ होयो।
मैया बिजेपि आ
गावनि सा 11 सोद्रोमा नि पार्लियामेन्तेरि पार्ति बर्द खौ फोसावना होबाय, बे सा 11
सोद्रोमाफोरनि गाहाय महरै सायखयो मिरु बिजेपि नि आफादगिरि जेपि नद्दा बिथांखौ,
खौरां मोननाय बादिब्ला मिरु नि सा 11 बर्द आव आसामनि बारग गिबि मन्थ्रि सर्बानन्द
सोनोवाल आ बो जायगा मोनदों, बेयाव भारत नि गाहाय मन्थ्रि नरेन्द्र मोदि, नखर
मन्थ्रि अमित शाह, दिफेन्स मन्थ्रि राजनाथ सिंह बिथांमोनजों लोगोसे सर्बानन्द
सोनोवाल, के लक्ष्मन, शुधा यादब, बिएल सान्तोश, शत्यनारायन जातिया आरो ईकबाल सिंह
लालपुरा या सायखजादों, मिरु नि मन्थ्रि नितिन गादकारि आ बेयाव सोजायासै, लोगोसे
दोलो आ चेन्त्रेल ईलेकशन कमिति नि सा 15 सोद्रोमा फोरखौ बो फोसावना होदों, बेयावबो
आसामनि बारग गिबि मन्थ्रि आ जायगा मोनदों।
नखरसे नि नो
सा 6 खौ बुथारदों, जाथाय आ जम्मु काश्मिर नि, शिधरा ओनसोल आन जादों जाथाय आ, सा 6
गोथै देहा मोननाय आ ओनसोनाङैनो सोमोनांहोदों बयखौबो, पुलिसफोरा नायबिजिरनायखौ जागायबाय,
मखजाथावदि बेनि सिगां बो सासे काश्मिरि पन्दित खौ शपियान जिवा नि सोतिपोरा ओनसोल
नि मोनसे आपेल नि बागान आव गुलि गावनानै बुथारदोंमोन, बेबायदिनो जाथाय आ जाफ्लेबाय
थानाय आ सोमोनांथाव, सा 6 नि जिउ गोमानाय जाथायनि उनाव नो पुलिसपोरा नायबिजिरनायखौ
जागायबाय, दायो पस्त मर्तेमनि थाखाय देहाफाहामसालि आव दैथायहरदों होनना मिथिना
मोनदों।
एशिया नि
गोजामसिम फुतबल गेलेनाय बादायलानाय दुरान्द काप नि गिबि गेलेनाय आ जाबाय आसाम नि
आ, गिबि गेलेनाय आव नर्थईस्त ईउनाईतेद एफसि आ गाज्रियै जेनो। खरुखजाई स्तेदियाम आव
जानाय गेलेनाय आव उरिश्या एफ सि नर्थ ईस्त खौ गाज्रियै 6-0 गल जों फेजेनो, बे
बोसोर नि गेलेनाय बादायलायनाय आ 131 थि नम्बर नि।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon